休養生息的一天

睡~

我總共訓左18小時, 開始懷疑自己是什麼體質可以睡這麼多了...

於是沒有做那個貴價facial了, 這陣子我經常放美容院的飛機, 而且很多時我都會收到她們留了voice mail 給我, 就是說我多次沒聽她們的電話了~

睡醒, 吃晚餐, 然後跟papa 一起看收費台 (自從有了收費台後, 看電視竟然是我們一家的節目了~) 也喝了一點酒, 先是我自家釀製的strawberry vodka (果味不足, 略甜了一點, 入喉很辣~ 怎辦呢? 稍後放些蘋果可能會好一點~) 然後喝了點蘋果酒, 味道很好~ ^.^ 再吃水果

才喝了三四口vodka還有一小杯的果酒就面紅了~ 可能是因為我不常喝吧~

在家也蠻好的

保養自己的一天

今天約了ceci 剪頭髮, 御用hair styleist anson轉左新公司, 新salon 靚好多又大好多, 真好喇~ anson話連用料都靚d, 全部日本歐洲貨~ 佢話貴左, 我就唔係好覺喇, 因為上次同今次整個步驟一樣多, 兩次都係八百幾喎~ 咁li 度咪抵d?!

整左4個鐘, 染電焗洗剪吹, 搞左咁多野, 其實外型冇乜大變, 只係明顯地深色左, 同個頭脹返~ 不過我剪短左好多, 而家見曬成條頸, 有d凍凍地.... 唔係好慣見到自己條頸~ 幼幼咁...撐住個大頭...

然後同ceci 食左個下午茶, 再見到輝哥~ 傾左一少陣~

做facial, 清乾淨聽日做個貴價野~ 做完facial 同consultant 嗲左兩句
早前同ben 食飯見到consultant 小姐, 因為我地坐得好近, 只係坐佢前面個卡位, 同佢正正對住坐, 原來佢都見到我, 只係因為以為我同男朋友好好傾廢事走過黎... hahaha 美麗的誤會~ 真搞笑~

返到屋企, papa話 "你做咩剪左咁多頭髮ar? 短左好多喎~ 要珍惜下ga ma" .....-_-? 咩事ar?

(ceci 電左髮, 越睇越靚~ hehe^.^)

鑊鑊新鮮公司

阿姐玉婷青島trip.... lik先生中山.... 部門剩下hong先生, kennix 和我~

公司真係鑊鑊新鮮

咁耐以黎, 冇一日覺得定落黎, 太多消息, 太多變動, 雖然我冇調走, 但係我original ge dept 一拆二, 我做開ge小分部而家係一個獨立部門, 個主管轉左, 咁即係點ar? 都唔知好彩定唔好彩夜走睇到張通告~

今日又唔洗補jessie.... 於是向公司準備下星期返中山d 野, 然後同papa 食飯, 再去睇下d 4個骨褲, 諗住返大陸多條替換, 結果一條都買唔到~ 可能我真係奄尖~

然後搞下d bill, 同lik 先生, kennix傾下公司野~

聽日剪頭髮~ ^.^

中同第二次 annual gathering

今日重點係舊生gathering

約埋張明麗一齊去食舊生飯, 又見返廿幾個初中同學, 然後我又同呂穎容相認, 我同佢以前一坐埋就喪笑, 笑到老師走埋黎問我地笑完未~ 其實都幾誇張

陳麗螢同學多左個仔~

葉文華話問我係咪向觀塘返工, 原來佢噚日同我搭埋同一部巴士, 仲要坐我正正後面, 咁點解唔叫我呢? 佢話因為我一上車就擰歪面, 不過主因係因為今日都有得見, 今日先叫喎....

尹美軒, 黃偉倫去左教書, 而我係從來都唔會估到佢地做老師...

~~~~~~~~~~~~~~~~~~~~~~~~~~

終於收到早前part time 去grand hyatt春茗ge 相~ 係鬼佬老師trent send 畀我ge~~

金融轉型工程

返工前, 因為一支usb, mama 話我冇良心~ 哼... 我除左苦笑可以做咩ar?

一朝早就畀阿姐召左入房, 同埋hong先生 & kennix 一齊, 大壇野! 下星期成個禮拜向中山, 阿姐仲話每個星期都去中山一次....
然後仲話, tiffany 你仲有kpi, 都好趕ga, 一個月要做一次, 而家要做二月ga lar, 但係唔急ge, 都仲有一個月" (而家都差唔多月尾, 仲有成個月....?!)

今日ge: 好趕但係唔急
早前ge: 唔急不過要快....

於是拿拿聲同部門兩位師兄傾下究竟要點.... 整左個表la叫做.....
噚日接左kpi, 今日send email 追擊d 同事~

突然間好似好多野做, 好似樣樣野都好大件咁, 黎緊兩位同事又會離開li 個部門... 咁得返我孤軍作戰... 都驚驚地....

同貓哥食飯買mon, 條友又話等我等得耐不如今日唔好出, 我真係想殺人! (平時我等你又得ar!!!) 今晚我叫mama 唔好煮飯咁我食咩ar??
於是最後我地食左泰國野, 幾好食ge~ 心泰
不過食正粒配菜豆... 一咬... 裡面會流d 又苦又生ge 野出黎..... 嘔......
我用叉督椰青上面ge一條野, 因為唔知咩黎.... 貓哥話 "係椰鬚ar".... 又食字~ 笑死~
香蕉布甸蜜脆米雪糕.... d 奶同個蜜脆米好好食, 但係由於小人係唔鐘意食蕉味野, 而有人又好鐘意吔蕉ge~ 於是成個香蕉布甸佢食曬~

最後某人都係買唔到mon, 又賴我~

轉住食一個足三兩

今天kennix 和我要二選一轉部門, 不抗拒也有一點點興趣, 不竟"轉"就是這裡的文化, 這一趟kennix 和我是用抽籤的, 因為實在決定不了誰~ 於是kennix 要跟印度人了~
實在是太突發的一件事

有新工作, 但不太urgent 的, 於是到了工作的半小時我跟lik 先生打牙較~

穿了kennix送給我的生日衫, 大獲好評^.^
kennix 有taste 之餘, 我都著得好睇la~ hahaha, 前天公關課時kennix送給我的, 我給妮妮她們看, 妮妮說 "li 件衫好鐵芬妮~ 諗唔到仲有邊個人可以著~" so that's the reason kennix 會買畀我la~ 多謝bb~
(lik先生的 na mu 是什麼呢?!)
貓哥來電約shopping, 要不是一早約了alumni, 我一定會去逛的.... 唉~ 或許明天吧~

下班, 又跟joyce 見面了, 今天她竟然很乖~
然後趕去開alumni 的會議, 昨夜在facebook上看見tommy 和perry 的生日是16和18/3, 也就跟他們慶祝一下~ 機會難得~
在蛋糕上的happy birthday to perry and tommy..... 實在很基基的感覺, 而且他們還手挽手的切蛋糕.... oooo

跟貓哥聊一聊, 他覺得我是瘋了~ 有時我都會這樣應為, 不過no free lunch la~

一邊開會, 一邊吃了mc 記的足三兩, 不好吃, 但我想真的足三兩, 因為吃了那個包之後, 個胃唔係覺得飽, 而係覺得重.... 仲重到有d 痛.... 救命~~
但係其實... 我仲食左半件朱古力軟心蛋糕.... 同埋成杯可樂, 真係唔痛就有鬼~

睡

睡