母親節暨電視壞左

母親節快樂

三姨一家同婆婆公公一齊黎我屋企樓下食晚飯, 問我地會唔會一齊黎, 咁問到唔通話唔得咩~
好開心可以見到佢地, 同表弟表妹傾下偈, 好搞笑~ 我終於還返借左5年ge 小新畀表妹, hahaah... 唔好嬲la~

阿姨岩岩入完醫院做body check, check 到有心臟病.... wa...(做乜li 排咁多人入左醫院....)
死... 我都摸到下巴裡面有粒野凸出黎, 咁落去仲痛痛地.... 死喇.....

今日屋企部電視壞左, 其實噚日都有先兆, 就係開左之後要兩分鐘先有畫面, 今日直情開唔著... 又要破費lar, 搬住房部14吋出黎頂住當先.... 但係好細law....

 

完成三天日記~

短髮~

上班~

有時見到d 讀緊幼稚園ge 小朋友做埋d 低b 野真係好好笑... 如果再同佢地傾埋偈真係冇得頂~

ms sarah上個星期入左醫院, 但係都check 唔到係做咩, 希望冇事la~
一向長頭髮ge 佢, 想整短髮~ 原來仲係想整同我一樣ge 短髮, 因為覺得好funny~ (am i funny??)
於是我畀左我個hair stylist ge 卡片畀佢, 睇下幾時見到佢個新look la~

做facial~ 好痛ar!!
好耐冇做... 再買d mask 敷下先

d 樓好貴

happy friday

去補習發現joyce 又冇測驗又未做功課, 即係冇野補, 於是 "係咁2" 同佢溫下個星期五ge 英文測驗然後走人~

因為papamama 去探三姨, 於是今日冇飯食, 咁岩貓哥打黎約食飯, 都好la~ 係一個歡樂ge 晚上, 食完麻布茶x 仲食多杯大雪糕, 飽死左~
於是周圍行下, 去左睇一個價值 $588 ge 王蟲擺設, 關節仲識郁動ge... 講真, 像真度都係高ge.. 咪就係一條黑色蠶蟲咁ge樣law... 核突死要賣成600蚊....

樓...
御龍山, 9000蚊一呎, (最近ge廣告... 用歐洲貴族花園做背景, 實在不盡不實得過份, 其實只不過係火炭火車站同馬場附近ge一個屏風)
嘉御山, 18000-20000一呎, 我一個月人工都買唔到一呎 (就係向大圍一個小山ge 山腳山腰夾硬起一座野, 不過外型又真係好靚好grand ge....)
咁樣睇... 我真係一百萬人的故事ge 主角... (又或者個節目改名叫做六百萬人的故事)

一個人一生唔會淨係得層樓卦...

孤單健身房

今天簽了轉部門的約~ 現在的我, 名在工業規劃, 實在質量體系
ha~ 舊卡片又變返岩洗喎, 不過我都唔洗派卡片ge~

放工, 跟jessie補習, 然後獨個兒去健身房
沒有ceci 陪伴, 不能聊天, 也只好看電視, 聽歌, 偶爾短訊一下(原來monica 也去游泳了)~
做做運動身體好~ 要堅持!!
mama 這些天吩咐我有空去看看醫生, 看看心臟是否出問題~ 其實只是過快了一點罷了~

真不明白, 那些女人怎可以只穿內衣褲在更衣室四處走? tube+hot pants 係少布但好睇好多... 大家女人都係咁話, 公眾地方, 你唔介意畀人睇, 但係我唔想睇到d 唔好睇ge線條 (究竟li 種現象係來自自信定係放任?! 我覺得好難理解...)
仲有唔該唔好著住條三角底同胸圍坐向度水滴滴咁吹頭, 你咁樣坐完... 我點坐... 可唔可以著返條正正式式ge面褲先坐?

做gym 日子雖短, 我發現, 大部份女人ge身型都係中下... 可能原理都係同 "去維修中心話人地咁多壞機" 一樣la~ 不過li 個先係fact, 有幾多個普通人有明星咁ge 身型?
有幾多個人係自己perfect 先去批評人地呢?

btw, 識著衫係直接修身ge方法~ 仲要加埋高踭鞋

潮著高腰裙

身份鹹蝦的我, 又一次脅持工業規劃的身份去做iso 的東西
究竟我幾時先有返個名份呢?

終於可以洗風褸了, 穿了半年的風褸很髒呢, 我總是用它的手袖不經意的在抹桌子, 然後穿上它在午飯時間作圍裙....

補習, 做facial, 成11點先食飯... 收到癌症基金會的信, 是感謝狀, 感謝半年來的支持~ 可以略盡了點綿力幫助別人^.^ 很窩心呢~

今天穿早前買的新裙子, 好評~ 高興中~~~ 呵呵~ (lik 先生簡直是女裝的潮流先鋒....-_- 很罕見的時尚男生...)
mama說, 不要因為讚美而津貼別人的眼睛, 我說, 這完全源於想滋養自己的心靈!
一切都是興趣使然~ 即使下班後閒著, 有心情便要替自己裝扮一下

be an energetic girl~

返工

我=病假?!

可以同唔同部門ge同事一齊食飯都幾開心~ ^.^
電腦部好似好warm 咁, 有群體活動ar

立夏已過, 即係夏天已經到左, 真係係時候減下肥喇
我要日日做gym!!!!不過一個人做gym 好孤單ar... 要的起心肝真係唔易

joyce mama 話幫我買d 靚靚legging, 唔知返工著唔著得呢?

正所謂: 居安思危, 要養成儲錢ge習慣... 儲錢真係難, 我成日都清倉, 要慳d 洗ar!!

gymnasium~

今天上班見到大支野 i 小姐坐陣4樓~ (點解?)

上午, 都還好叫做有d 野做... 下午, 恕我直言, 我簡直得閒到等同博炒

補個靚習, 忽然下大雨, joyce mama 借左把靚靚粉紅色hello kitty 遮畀我, 可能知我姣底la~

同ceci 一齊做gym, 一黎開心見到佢, 二黎可以做gym 又幾好, 好耐冇做, 快步半小時, 再慢踩單車半小時, 都可以成身汗~
我估我身子潺, 每次握住個hand grip 個heartbeat 都係超過100, 今日係under 120.... 其實早前個coach 見到咁都嚇一嚇, "咁快ge?!" 早在form7 已經係咁, 希望如個coach 話齋, 做多d 運動會慢返la~ 就係因為咁, 我都唔洗跑, 較左fat burn mode, heart beat 要keep 住127, 我話咁快就reach 到, 較快多少少已經過130, 部機就會調慢返, 因為要keep 返heartbeat constant... 於是... 我係冇得跑ge~

做完gym, 我地竟然去食糖水~ (hahhaha~ 等同冇做過一樣~~) 言談甚歡, 可惜時間太少, 話題太多, 唯有等下星期la

回家.... 還有熱湯等著我~ fu....