買衫

上班, 勁做庇護

每次都可以跟miss sarch 大笑, 今天事緣我又一次的知道她要什麼, 於是在她問之前就放在桌面了, 利害吧~~~

閒逛了馬鞍山, 竟給我遇上某時裝店的大減價, 這時裝店正價我一定唔買, 因為唔係好值, 減左價就差唔多, 又畀我無意中撞到減價~~ haha~~ 不過今日只係買左兩件,
主因係sales service 麻麻地:

1. 畀錢ge時候, 我見到地下有支箱頭筆, 幫佢執返, 佢就咁放埋一邊, 冇講過唔該~

2. 仲呃鬼我,
話說有個袋個款唔錯, 個sales 同我講係羊仔皮.... 一睇d紋就知唔係la, 再摸上手就更加可以肯定--> 係假皮!
以2百零蚊買個袋, 唔係皮當然fair price, 不過, 你呃我就再靚再抵我都唔會買~ 或者我會去第二間分店買~
多口問左句 "乜li 隻係羊仔皮黎ga咩~"
sales 答 "係ar, 羊仔皮黎ga, 其實皮都有分好多隻..." (exactly講左係羊仔皮... 但係又分好多隻... 羊仔皮係咪真係有分好多隻ga?)
仲問 "你聞唔到d 皮味咩?"
"可能我鼻塞la, 我聞唔到ar.." (你估d 皮味你講就出黎咩~)

3. 我試條褲, 試完之後, 佢個背脊向住我, 我出左黎都唔知.... 然後我對住塊鏡諗住睇下著成點, 佢都問我覺得o唔ok, 不過, 佢個人挨住向塊鏡到, 我完全睇唔到我著得o唔ok

4. 我一路揀緊ge 時候, 佢完全奉獻地去serve第二d客

5. 有另一個女仔serve 我, 明顯地係因為serve開我ge果位成日都唔向我身邊la, 於是連同事都以為我係無主孤魂, 其實舖唔係大, 實知邊位同事serve緊邊個客la, 搶生意喎~

6. 另外, 係打尖黎serve 我li 位sales 姐姐ge selling skill 太差, 於是我認為唔係搶生意, 係唔醒目啫~

~~~~~~~~~~~~~~~~~~~~~~~~~~~~~~~~~~~~~~~~~~

其實我唔係好明, 點解該間公司ge sales 成日都會講一句金句 "li 件野係我地公司自己設計"
成間舖都係一個brand, 係chain store黎ge... 咁我買乜野都當係你公司設計ga la, 無論係你公司designer出品又好, 你個designer抄人地d 款好...總之係寫住你間shop 個名度買你d product, 就好正路地認為係你公司出品, 我入得黎就係想買你公司ge設計買你公司ge taste, 咁洗乜特登講?

if 公司設計做到好出名, 出料又好, "自己設計" 就的確好巴閉, 咁句金句就可以提醒到客人, 但係如果間公司d設計唔係出名, 咁岩個客拎起一件product望真d ge 時候, 個款一般, 用料一般, 甚至係同平價野冇分別ge 時候, 個sales 講果句金句出黎, 個客就即刻覺得間公司ge 設計原來係cheap ge, 咁句金句反而係累左公司

如果li 句說話係想暗示件野有獨特性, 出面冇得賣, 但係係chain store的話, 有好幾區都有branch, 其實獨特極賣ge數量都唔會少, 個款好獨特, 但係出一億件, 咁仲係唔係獨特呢?

li 句野個作用係做咩ga?

~~~~~~~~~~~~~~~~~~~~~~~~~~~~~~~~~

再行第二d 舖頭, 冇乜岩心水, 所以冇再買野~